jueves, 17 de noviembre de 2011

NOVOS CADERNOS DE INVESTIGACIÓN.

Participade neste caderno de investigación sobre a PRIMEIRA SEMANA DA FROITA.
Os nen@s de 5 anos, 1º e 2º cubriredes un caderno e os de 3º,4º,5º e 6º outro diferente.
A información atoparédela nos enlaces e tamén no taboleiro da biblioteca.
A data límite de entrega será o 2 de decembro.


FORMADE UN BO EQUIPO E GAÑADE MOITOS BIBLIPUNTOS que cambiaredes por agasallos ao final de curso.


                                         QUE O SABER VOS ACOMPAÑE




martes, 8 de noviembre de 2011

COMENZO DUN NOVO CURSO

Ola a todos:

Comezamos un novo curso con moita ilusión, esperámosvos!. Que a vosa presencia e utilización sexa igual ou máis intensa ca do curso anterior.

video

lunes, 13 de junio de 2011

ATA SEMPRE XOÁN FARIAS


O 11 de xuño deixounos Xoán Farias, un grande da literatura infantil e xuvenil.
Seguiremos camiñando e navegando polos teus libros. Grazas Xoán.







jueves, 2 de junio de 2011

A INSOPORTABLE LEVEDADE DAS BIBLIOTECAS ESCOLARES GALEGAS


Flores Amarillas


Ante a previsible retirada de formadores específicos no ámbito das bibliotecas escolares no  Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente  de persoas que senten que é posible compartir e facer viable o proxecto xuntos. Así naceu o movemento que cristalizou na  iniciativa que todos coñecemos como PLAMBE. De xeito que dende hai algúns anos,  esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes  en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son  seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos  incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada  centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino  xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro  será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiasmo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propia Consellería a que nos invisibiliza?.

viernes, 20 de mayo de 2011

XOGOS POPULARES E TRADICIONAIS NO COLEXIO

Desde a biblioteca propómosvos o seguinte caderno de traballo; participade e poderedes gañar moitos biblipuntos.


Caderno de traballo sobre os xogos populares e tradicionais celebrados o pasado luns no cole.

Prena na imaxe para obter información

martes, 3 de mayo de 2011

LETRAS GALEGAS 2011. LOIS PEREIRO

Achégase o día das letras galegas; este ano dedicado ao poeta Lois Pereiro. Desde a biblioteca propómosvos o seguinte caderno de traballo; participade e poderedes gañar moitos biblipuntos.
Caderno de traballo letras galegas




Para obter información prema na imaxe

jueves, 28 de abril de 2011

As series infantís de animación 'Caracois' e 'Os contos do camiño' comezan a emitirse en maio na tvG2.


A partires do día 2 , os máis pequenos poderán ver as aventuras duns animaliños de xardín en "Caracois" en horario preeschool (de 7.30 a 8.00 horas) e de luns a venres.
Tamén con esta periodicidade semanal comezará a súa emisión o día 16 "Os contos do Camiño", de 17 a 17.30 horas.





En ambas series, OQO filmes adapta os álbums ilustrados da editorial ao formato audiovisual, a través da técnica de animación stop-motion.

Deste xeito, os rapaces terán a oportunidade de volver gozar das historias de contos tan coñecidos como: "A bruxa regañadentes", "Corre corre, cabaciña", "Chocolata", "Ollobrusco", "Rato Tom e Rata Tomasa", "A incríbel historia da nenapaxaro e o galopín"...

sábado, 23 de abril de 2011

ANA MARÍA MATUTE. PREMIO CERVANTES

Ana María Matute Ausejo (Barcelona, 26 de xullo de 1925), novelista española, membro da Real Academia Española, onde ocupa o asento K e a terceira muller que recibe o Premio Cervantes, obtido en 2010. Foi profesora convidada nas universidades de Oklahoma, Indiana e Virginia. Matute é unha das voces máis persoais da literatura española do século XX e é considerada por moitos como unha das mellores novelistas da posguerra española.

”Escribir es siempre protestar, aunque sea de uno mismo”. Ana María Matute


Para obter máis  información prema na imaxe


Lecturas. Por Ana María Matute

Ana María Matute escolleu seis contos breves do seu libro "Os nenos parvos", publicado orixinalmente en 1956 e que recompila vinte e un retratos de infancia. Como acostuma dicir a súa autora, estas páxinas non compoñen un libro para nenos senón sobre nenos.  Este volume reeditouse no ano 2000 acompañado polas ilustracións de Javier Olivares.

Para escoitar estes relatos lidos por Ana María Matute prema nesta imaxe

viernes, 15 de abril de 2011

LECTURAS DAS NOSAS POESÍAS

Bibli convocounos para crear e ler as nosas poesías. Aquí tedes o resultado.



martes, 25 de enero de 2011

DÍA DA PAZ

Recompilatorio de recursos para traballar o Día da Paz; elaborado polo equipo de biblioteca do CEIP Víctor Saenz (Mazaricos).